Relaxing Birthday

生日可以遠離工作係今年來說是一份給自己很好的禮物，因為唔洗check email，唔洗動氣，所以就算老公今年放唔倒假，我點都要放自已一日。撞啱vicky放假，所以我都有人陪，hehe!

今日試了兩間"新"的餐廳，新的意思只係我之前未去過。

Lunch先同vicky去左我一直都好想去o既agnes b餐廳，set lunch 價錢都合理，環境舒適，好啱傾偈。

呢個頭盤好好味，d蟹肉好新鮮!

agnes b o既cake緊係唔少得!


晚上，老公早放1小時，我地係旺角行左一陣後就去佐敦o既"銀杏館"食晚餐。呢間餐廳阿蘇都好似有介紹過，餐廳由樓面到廚房都係由老人家一手包辦。老人家o既侍應令我覺得好親切，佢地亦都好醒目，到飲湯時已經問我地係咪其中一個生日，除左話佢地醒目之外，亦都可以講薑係愈老愈辣。


因為佢地知道我生日，所以係個"心心相印"甜品上寫上生日快樂，攞出黎o既時候仲點上蠟燭唱生日歌添，真係估唔到! 呢個"心心相印" 分別係疏乎厘&朱古力心太軟，咁啱又係我鍾意食o既甜品，所以今晚我真係非常滿足! 多謝老公搵到呢間餐廳!

廸士尼酒店

今日去左廸士尼酒店行一轉，雖然無買到換上紫色Halloween新裝的米奇&米妮，但都有唔錯的收鑊。

跟住去東涌outlet，竟然係老公有收鑊，買左對rockport鞋，50% off，又幾抵o既!

夜晚出番荃灣食飯，walk-in金田都有位，真好彩! 咁都有餐好食!

偉大的奶奶

於上海世博展覽的電子"清明上河圖"將於下個月來港展覽，今天開始公開售票，我們也預計會反應熱烈，因為我地相信好多人都會想睇，但係估唔倒會熱烈成咁，奶奶足足排了4個鐘先買到飛，如果唔係奶奶咁偉大，我諗我地都無機會睇到了。幸好今次城市電腦售票網有派籌制度，唔洗真係企係度排4個鐘咁辛苦。

S0 LUCKY!

尋晚先知道劉華演唱會加開多兩場，共20場，今日開始買飛，我已經決定今日要試買尾場。真係好彩，開完會出黎接近1點鐘，竟然都比我撲到兩張飛，好耐無睇過劉華尾場演唱會了，同時今次亦打破了我以往單一演唱會欣賞場次的記錄!

Looking forward for Dec Concert!

楊千嬅CONCERT 2010

尋晚睇左楊千嬅演唱會，佢今次o既唱功無令人失望，跳左好多舞，最驚喜係竟然彈結他，都幾型!!

嘉賓初初以為只有農夫，真係有d失望，因為之前兩晚分別有eason 同華仔架，好彩encore時有黃耀明，都補番數!