新玩具

星期五屋企多了一樣新玩具 - 健身單車，我今日都開始玩了，雖然不及健身室的健身單車專業，但玩左20分鐘都出汗架!

老三火鍋

係我地被人迫出貨迫到發癲o既日子，我們一班和記行o既同事依然按照一個月前的約定，去阿MAY介紹，位於深水埗的老三打邊爐。

阿MAY o既介紹果然唔錯，最特別係個老鴨湯底，係要飲完個湯先開始打邊爐，之前真係未試過。有機會一定要同鍾意打邊爐鍾意到癲o既阿妹去再食過。

清明上河圖

今天终於去左睇清明上河圖，奶奶仲要係第一次搭機鐵添! 幅清明上河圖真係要用1個鐘去睇，因為太多人，由頭到尾迫一次就啱啱好一個鐘，尤其係大家都會聚係條橋到等個小朋友&隻豬，個度都要迫15-20分鐘，皆因Daddy, mami & 奶奶都企左係度十幾分鐘。

如果幅清明上河圖唔係因為世博設計成動態版，我估應該無咁多人留意，呢個idea真係幾好。今次最開心o既見到daddy mami睇得好開心，禮拜日唔瞓覺迫入機場博覽館都係值得o既!