3rd Day @九州

轉眼就第三日，今晚就要返香港了。

上晝去了長崎原爆平和公園及原爆資料館，係資料館睇番第二次大戰o既原子彈爆炸o既歷史都令人好心寒。

下晝就係shopping時間，因為D YEN好貴，所以我地都唔係買左好多野，少少地1人1個袋咁喇!

2nd Day @九州

第二天的行程非常簡單，只有太宰府，天滿宮，重點則是豪斯登堡。

原本豪斯登堡係日本人為多謝荷蘭人而建的，之前我只係知道呢度有風車，大片的花海等。我地影左好多相，最緊要係呢度無咩人，令人好RELAX。

另外上次日本世博o既部份遊戲亦放在豪斯登堡，最特別就係宇宙航程館，佢會先將我地o既樣scan於電腦內，跟住我地就會睇到自己係片段內扮演其中一位宇宙飛行員，都幾好笑架!

玩完後，酒店就係隔離，非常方便!

1st Day @九州

早上六點多到左九州，機場落住大雨，令到我有D擔心，只得3日假期，真希望可以比我地好好享受。雖然心裡擔心，但我把口就同老公講，宜家落左雨，黎緊呢幾日就唔會再落雨架喇，因為由細到大，我每次出門都會落雨麻!

今日O既第一個行程 - 秋吉台怪石林，唔知做咩，呢度大風到好似打十號風球咁，吹到我地完全唔想留係度，拿拿聲影完相就逃回旅遊巴。

之後去秋芳洞鐘乳石石洞 (自從東歐之旅，我地年年揀O既旅行地點都咁啱會有鐘乳石洞O既景點，真得意!)，赤間皇族神社，日清和談紀念館，好似青馬大橋o既關門橋，最後去埋門司港懷舊區就番酒店了! 門司港o既建築物係舊式歐洲建築，係一個影相o既好地方!

三天九州行

機緣巧合下係兩個星期前比我搵到東瀛遊係中秋夜出發的九州三天旅行團，我地就由去深圳o既東部華僑城改左去日本。

今晚係屋企食埋飯，我地就搭零晨1:30機去九州，玩足三天。我地真係覺得呢個假期係"偷"出來的，大家工作繁忙，都唔係好攞到長假期，宜家攞一日假就可以飛去日本，真開心! 最緊要可以斷絕所有email，haha!

愛上淘寶

於淘寶網可以搵到o既野實在包羅萬有，除左買衫外，我亦都買過一d家居用品，佢地d online service實在有效率，基本上時時刻刻都會有人係度答你o既問題，發貨速度亦快，大部份時間3-4天都會收到，真係不出家門都可以滿足到你o既購物慾。


呢件米老鼠外套，由落order到收件不足24hr, 實在有效率!

俾面派對

入行咁耐都係第一次attend!