早上六點多到左九州，機場落住大雨，令到我有D擔心，只得3日假期，真希望可以比我地好好享受。雖然心裡擔心，但我把口就同老公講，宜家落左雨，黎緊呢幾日就唔會再落雨架喇，因為由細到大，我每次出門都會落雨麻!
今日O既第一個行程 - 秋吉台怪石林，唔知做咩，呢度大風到好似打十號風球咁，吹到我地完全唔想留係度，拿拿聲影完相就逃回旅遊巴。
之後去秋芳洞鐘乳石石洞 (自從東歐之旅，我地年年揀O既旅行地點都咁啱會有鐘乳石洞O既景點，真得意!)，赤間皇族神社，日清和談紀念館，好似青馬大橋o既關門橋，最後去埋門司港懷舊區就番酒店了! 門司港o既建築物係舊式歐洲建築，係一個影相o既好地方!
沒有留言:
發佈留言