Precious Moment@東港城

今天係東九龍區一天遊。

第一站先去青衣睇醫生，因這星期一連兩天上大陸，唔知係咪舟車勞頓，有D作感冒，所以襯未嚴重去搵中醫清一清先。

跟住去九龍灣的華仔天地攞演唱會飛，勁開心，因為係第九行o既飛，我好似未坐過咁前睇華仔。

行程第3站係去牛頭角換回鄉卡，原來好順路，係九龍灣坐的士去到門口都唔洗跳錶。

最後一個景點就係今日行程的主要目的地 — 東港城。點解山長水遠去東港城，皆因東港城o既聖誕主題公仔係Precious Moments 公仔，可以同大大個Precious moment影相。


D公仔高過個人架，真係唔係成日都見到!

小插曲﹕其實每次係商場同不同主題公仔影相都會遇到有人打尖的情況，但係今日竟然係遇到一個著住畢業袍影相而打尖o既大學生，真係有點詎過份。